Actic á Íslandi. Actic gym&bad er stærsta líkamsræktarkeðja í Skandinavíu með á annað hundrað stöðvar. Fyrsta Actic heilsuræktin hér á landi opnaði í sundlaug Kópavogs í september árið 1997. Í mars 1999 opnaði svo önnur Actic heilsurækt í Suðurbæjalaug í Hafnarfirði. Þriðja og jafnframt stærsta Actic heilsuræktin opnaði svo í janúar 2005 í Salalaug í Kópavogi. Fjórða Actic heilsuræktin opnaði í íþróttamiðstöðinni á Álftanesi árið 2006. Í janúar 2007 opnaði Actic svo sjöttu stöðina í íþróttamiðstöðinni í Vestmannaeyjum og síðar sama ár í íþróttamiðstöðinni í Vogum Vatnsleysuströnd. Næsta ár eða í janúar 2008 stækkaði svo aðstaða Actic í sundlaug Kópavogs þegar ný sundlaug var tekin í notkun. Í byrjun árs 2009 stækkaði Actic stöðin í Suðurbæjarlaug Hafnarfirði þegar nýr salur var tekinn í notkun. Í maí 2009 opnaði sjöunda Actic heilsuræktin á Íslandi í sundhöll Selfoss. Í sama mánuði stækkaði stöðin á Álftanesi þegar ný glæsileg sundlaug var tekin í notkun. Í júlí 2009 opnaði stöð á Hellu og í janúar 2010 var opnuð stöð í Vík á Mýrdal. Allar stöðvarnar eru glæsilegar, búnar fullkomnustu Nautilus tækjunum ásamt fjölda þrektækja og lausra lóða. Þúsundir hafa æft í stöðvunum undanfarin ár og notið persónulegrar þjónustu hæfra þjálfara.

Árið 2002 hlaut Actic stöðin í sundlaug Kópavogs gullverðlaun Actic fyrir framúrskarandi þjónustu og tryggð viðskiptavina og var þar með valin sú besta af öllum Actic gym&bad stöðvunum.

Actic gym&bad keðjan er með stöðvar á öllum norðurlöndunum, Bretlandi, Sviss og Póllandi. Actic meðlimir geta æft á öllum þessum stöðvum gegn greiðslu aðgangseyris í sund á staðnum. Þannig að kortið gildir alltaf í sund og sal á þeim stað/sveitarfélagi sem það er keypt, en sé farið í aðra Actic stöð/sveitarfélag þá þarf að byrja á því að greiða fyrir aðgang í sund og þá er hægt að æfa í Actic stöðinni. Til að skýra þetta betur er best að taka dæmi: Kort sem keypt eru í Kópavogi duga því í báðar stöðvarnar sem eru staðsettar í Kópavogi en ef farið er í Hafnarfjörð, þá þarf að greiða í sund sérstaklega. Sama á að sjálfsögðu við um kort sem keypt eru í Hafnarfirði, það þarf að greiða í sund í Kópavogi en aðgangur að líkamsræktinni er innifalinn í kortinu. Við bendum á heimasíðu Actic gym&bad sem er að finna á slóðinni: www.nautilusgym.se.

Actic býður upp á ókeypis prufutíma sem fer fram undir leiðsögn þjálfara. Panta þarf tímann og er aldurstakmarkið 16 ára (10. bekkingar fá aðgang að stöðvunum).

Actic kappkostar að bjóða hagstætt verð á árskortum sem gilda bæði í sund og heilsurækt þannig að sem flestir eiga möguleika á að æfa við bestu mögulegu aðstæður. Actic býður meðlimum upp á ókeypis fitumælingar, ráðleggingar varðandi mataræði o.fl.

www.nautilus.com

Nautilusaðferðin